Kringvarp Føroya skal vera fyri allar Føroyar

Meira tilfar ymsa staðni úr landinum, meira tilfar á internetinum og tilfar á enskum til útlendingar, sum búgva í Føroyum.

Hetta er millum annað tað, sum nýggi public service sáttmálin áleggur Kringvarpinum at gera meira við komandi fýra árini, sigur Dia Midjord, stjóri í Kringvarpinum.

Mentamálaráðið og Kringvarpið skrivaðu undir public service sáttmálan hósdagin. Hann kemur í gildi tann 1.januar og er galdandi í fýra ár.