Fiskivinnunýskipan: Hevur framvegis vónir um semju

Høgni Hoydal, landsstýrismaður í fiskivinnumálum, hevði fundir við Sambandsflokkin og Fólkaflokkin hvør sær í síðstu viku. Hann hevur framvegis vónir um, at tað verður ein breið semja í løgtinginum fyri fiskivinnunýskipanini.

Í morgin fer Høgni Hoydal til Íslands at samráðast við nýggja íslendska fiskimálaráðharran um fiskirættindi næsta ár.

Ætlanin er at hava fleiri fundir við Fólkaflokkin, Sambandsflokkin og Nýtt Sjálvstýri um fiskivinnunýskipanina seinnapartin í næstu viku ella í aðru viku.