- Fólk í miðstaðarøkinum ikki føling við vinnuni

09.03.2019 - 13:43
AktueltPolitikkur
- Fólk í miðstaðarøkinum ikki føling við vinnuni
- Kanska ljótt at siga tað, men fólk í miðstaðarøkinum halda, at vit bara kunnu taka nokk av pengum frá fiskivinnuni, sigur Bárður á Steig Nielsen
Sambandsflokkurin er tilreiðar til valstríð, sigur Bárður á Steig Nielsen, formaður
Mynd: savnsmynd  

Landsfundur er í Sambandsflokkinum í dag, og Kára Bjarnadóttir Jacobsen gjørdi samrøðu við Bárð á Steig Nielsen, formann, tá hann hevði hildið sína formansrøðu, og fundarfólkið hevði havt høvi at siga sína hugsan.

Formaðurin tosaði m.a. um gjónna, sum hann heldur er íkomin millum fólk í miðstaðarøkinum og í útjaðaranum.

- Gjógvin, sum er uppbygd millum útjaðarin og miðstaðarøkið, er so stór nú. Tað er kanska ljótt at siga tað, men onkusvegna er tað soleiðis, at tey, sum liva her í miðstaðarøkinum, ikki liva so tætt at tí primeru vinnuni, at tey ikki hava somu følingina við tí vinnuni, sum skapar inntøkugrundarlagið hjá samfelagnum, og tí hava eina fatan av, at vit bara kunnu taka nokk av pengum frá vinnuni. Og helst skulu øll - hvør einstakur føroyingur - kunna fáa ein part av tilfeinginum og fara út at fiska. Men vit sum politisk skipan hava ábyrgdina av at skipa okkara fiskiskap so rationelt og burðardygt sum gjørligt við minst møguligari umhvørvisdálkan og orku, og ikki fylla inn aftur við gomlum stáli, sum tað var í 80´unum og 90´unum.
- Okkara uppskot er, at tá fiskurin er fiskaður, so skal atgongdin verða so stór sum gjørligt, og har hava tey so møguleika at framleiða fiskin og virðisøkja hann og fáa sum mest av arbeiði kring landið, føroyska samfelagnum til frama, tí um man vil tað ella ikki, tað er okkara útflutningur, sum í síðsta enda fíggjar okkara vælferð í Føroyum, sigur Bárður á Steig Nielsen millum annað.

Trýst á pílin fyri at hoyra samrøðuna


 

 
Er kopiera

Tak niður

Nýggjastu sendingar í ÚV
Leygardag 13. august
Morgunlestur leygardagur 13. august 2022
143011
Fríggjadag 12. august
Morgunlestur fríggjadagur 12. august 2022
143010
Hósdag 11. august
RagnarRokk 11.august 2020
140693
Hósdag 11. august
RagnarRokk: Jon Courtney um Above Sirrus
140690
Nýggjastu sendingar í SV
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750