Sildberin aftur í sigling í næstu viku

Sildberin er tikin úr sigling á Skúvoyarleiðini, tí hann tók botn fríggjakvøldið. Grunt er fram við landi í Skúgvi, og skipið tók í ein boga, tí tung alda og hart rák var.

Sildberin er tikin upp á skipasmiðjuna hjá Mest í Havn.

Sildberin fer aftur í sigling í seinasta lagi um eina viku, og hesa tíðina røkir Súlan siglingina fyri Sildberan millum Skúvoy og Sand, sigur Jóan Petur Abrahamsen, tekniskur leiðari á Strandferðsluni.