Sildberin klárur í august

Í næstu viku fer strandafaraskipið Skúvoy, sum er gamli Sildberin, til Klaksvíkar.

Har skal ymiskt takast úr honum og setast í nýggja Sildberan.

Nýggi Sildberin fer at sigla millum Sand og Skúvoy í fyrru helvt av august.

Upprunaliga var ætlanin, at hann skuldi fara í siglingina í mai, so varð sagt seinnapartin í juli, men tað er nú vorðið til fyrrapartin í august. 

Tá Skúvoy verður løgd, røkir Súlan einsamøll Skúvoyarsiglingina til Sildberin er liðugur.

Nú flytur Skúvoy ferðafólk og Súlan farmin til Skúvoynna.