Vesturland verður høgt upp á Skála

Garnaskipið Vesturland skal høggast upp á Skála.

Reiðaríið Thor, sum eigur skipið, hevur gjørt av at selja tað til upphøggingar, tí skipið kann ikki nýtast eftir eldin umborð.

Hvørki tryggingin ella reiðaríið vilja siga nakað um upphæddina, sum skipið er tryggjað fyri, men reiðaríið er skaðaleyst eftir hendingina, sigur Hans Andrias Kelduberg, reiðari.

Mortan Poulsen, stjóri í Tryggingarfelagnum Føroyum, segði í gjár, at tað kostar meiri at gera Vesturland aftur, enn tað er tryggjað fyri. Tí ger tryggingin ikki meira við málið, segði hann.