Ger ongar viðmerkingar um útsøgn um hollendingar

Løgmaður hevur ongar viðmerkingar til útsøgnina hjá landsstýrismanninum Henriki Old, sum á tingsins røðarapalli bað tingfólk um at halda hollendingar langt burturi úr føroysku fiskivinnuni.

Aksel V. Johannesen hevur einki gjørt við málið, og hann ætlar sær ikki inn í málið, sigur hann við útvarpið í dag.

Útvarpið hevði eina avtalu um eina samrøðu, men tá upptøkan skuldi gerast løtu seinni, kúvendi Aksel V. Johannesen, og vildi ikki gera nakrar viðmerkingar til málið yvirhøvur.