Útsøgnin hjá Jenisi hevur ikki ávirkað koppseting

02.06.2021 - 14:41
AktueltPolitikkur
Útsøgnin hjá Jenisi hevur ikki ávirkað koppseting
Løgmaður hevur svarað Akseli V. Johannesen, løgtingsmanni, sum spurdi um málið
Bárður á Steig Nielsen, løgmaður, sigur, at tað er ein ósiður at úttala seg alment um málsøki hjá øðrum landsstýrisfólkum
 

Hóast tað ikki ber til at gera eina endaliga niðurstøðu um útsagnirnar um koppseting hjá Jenisi av Rana, landsstýrismanni í uttanríkis- og mentamálum, so bendir okkurt á, at tað ikki hevur havt stórvegis ávirkan. 

Tað svarar Bárður á Steig Nielsen, løgmaður,  Akseli V. Johannesen, løgtingsmanni, sum hevur spurt um málið.

Sjúkrahúsverkið hevur fylgt við, hvussu nógv fólk hava bílagt sær tíð til at lata seg koppseta, síðani bíleggingarskipanin lat uppaftur herfyri.

Eingin broyting

- Eingin broyting er at síggja, og ongar tíðir eru tøkar í løtuni. Sjúkrahúsverkið hevur eisini verið í samband við tey, ið koppseta, fyri at fregnast, um fleiri fólk avlýsa sína tíð ella als ikki møta upp. Heldur ikki her er nøkur broyting, sigur Bárður á Steig Nielsen í svarinum.

Løgmaður heldur, at tað er ein ósiður at úttala seg alment um málsøki hjá øðrum landsstýrisfólkum.

- Tað er heldur ikki skilagott, at landsstýrisfólk fara alment út við síni persónligu áskoðan, tá ið hetta gongur ímóti stevinum hjá landsstýrinum. Slíkar útsagnir órógva tað politiska samstarvið og máa trúvirðið undan arbeiðnum hjá landsstýrinum, sigur Bárður á Steig Nielsen. 

Er kopiera
Nýggjastu sendingar í ÚV
Fríggjadag 15. oktober
Nón 15. oktober 2021
129943
Fríggjadag 15. oktober
Breddin
129929
Fríggjadag 15. oktober
Góðan morgun Føroyar 15.10.2021
129926
Fríggjadag 15. oktober
Morgunlestur fríggjadagur 15. oktober 2021
129725
Hósdag 14. oktober
RagnarRokk 14.oktober 2021
129727
Nýggjastu sendingar í SV
Fríggjadag 15. oktober
RagnarRokk Reyp:KK Downing
129941
Fríggjadag 15. oktober
Lyst 42
129901
Mikudag 13. oktober
Hin gloymda oyggin - fyrri partur
129860
Týsdag 12. oktober
Úr savninum: Nýtt landnám
129821
Mánadag 11. oktober
25 min
129887