Aðalstjórin: - Talan er ikki um vanlig størv

Rágevarastarvið hjá gamla skúlastjóranum á Fløtum og kunningarstarvið í Mentamálaráðnum eru serlig og tíðaravmarkað, og tí sigur Poul Geert Hansen, aðalstjóri, at stovnarnir undir Mentamálaráðnum ikki skulu skilja tað soleiðis, at teir nú kunnu skúgva setanarpolitikk landsins til viks og lata vera við at lýsa størv leys til onnur at søkja.
Aðalstjórin leggur afturat, at sær vitandi eru ongar formligar reglur, sum neyvt siga, nær tað er í lagi at seta fólk í starv, uttan at lýsa tey leys fyrst. Men at hann hevur kannað, hvussu tey gera í Danmark, og at mannagongdin hjá Mentamálaráðnum í nýggjastu setanunum stórt sæð eru tær somu sum har, altso at tað er í lagi at seta fólk til serligar uppgávur í eitt ár, uttan at lýsa størvini leys.

Hoyr meira um setanirnar í MMR her