Politisk óvissa ávirkar vinnuna

Vinnuhúsið hevur gjørt kanningina, sum vísir, at aðrar forðingar eru m.a. tung almenn umsiting, óvissa um landsstýrið, atgond til fígging og ov lág orka til nýskapan.

Maria Rasmussen, stjóri í Vinnuhúsinum, heldur, at politiski tíðarkarmurin í Føroyum er ov stuttur, og tørvur er á einari langtíðar vinnupolitiskari ætlan. Hon sigur, at Føroyar er eitt lítið land, og nógv av galdandi lóggávu, er lóggáva, sum er smíðað til størri marknaðir, enn tann føroyska marknaðin, og tað er ov tungt at samskifta um ymisk viðurskifti. Tí brúka føroyskar fyritøkur ov nógva orku uppá umsiting og tað, sum hendir á politiska pallinum, og fáa ikki savnað seg um tað, sum tær duga best; at framleiða vørur og tænastur.

Vinnuhúsið sendi 92 føroyskum fyritøkum, sum hava fleiri enn tvey starvsfólk, eitt spurnarblað. 64 prosent svaraðu. Harumframt byggir kanningin á hagtøl frá Hagstovuni og Taks.