Ov nógvar forðingar hjá fólki við skerdum førleikum

Nógv fólk við menningartarni ynskja at sleppa út á arbeiðsmarknaðin, men tað er ofta trupult hjá teimum at fáa arbeiði.

Tað vísir ein nýggj frágreiðing hjá Javna, sum varð løgd fram á einum tiltaki um rúmliga arbeiðsmarknaðin í Havn í dag.

Katrin Jacobæus, dagligur leiðari á Javna, sigur, at flestu limirnir í felagnum fegnir vilja arbeiða, men at teir møta ov nógvum forðingum.

Eisini Vinnuhúsið heldur, at broytingar eru neyðugar, skulu fleiri fólk við skerdum førleikum fáa fótafesti á arbeiðsmarknaðinum.

Súsanna Berg, ráðgevi í Vinnuhúsinum, vísir á, at vinnulívið kann hava ein týðandi leiklut.

Men skal tað gerast lættari hjá fyritøkum at seta fólk við skerdum førleikum í starv, so er neyðugt at gera tilgongdina einfaldari, heldur hon.

Hoyr innslag í tíðindunum á nátturða her: