Pedagogfelagið til samráðingar mánadagin

09.11.2017 - 11:13
Innlendis›Samfelag
Pedagogfelagið til samráðingar mánadagin
Fíggjarmálaráðið hevur boðið pedagogfelagið til samráðingar, men formaðurin í felagnum, Jógvan Philbrow, ivast í, um tað loysir seg

Lønardeildin í fíggjarmálaráðnum hevur boðið pedagogfelagnum til samráðingar mánadagin, har Kristina Háfoss, landsstýriskvinna í fíggjarmálum, eisini verður við.

Nevndin í Pedagogfelagnum hevur fyrrapartin greitt álitisfólkunum frá gongdini í samráðingunum, og spurningurin um at seta tiltøk í verk var eisini á skránni.

Men formaðurin í felagnum, Jógvan Philbrow, ivast í, um tað loysir seg at fara á fund.

- Vit ivast í, um tað er nøkur orsøk til at fara á ein slíkan fund. Tí um man bara skal á ein fund at hoyra tað sama, sum vit hava hoyrt fyrr, at einki verður øðrvísi, so gevur tað lítla meining at fara á fund, sigur Jógvan Philbrow. 

Somu løn sum onnur við somu útbúgving

Hann sigur, at Pedagogfelagið ynskir, at fólk við somu útbúgving fáa somu løn, og hetta er tað, sum felagið siktar eftir. 

- Vit hava víst á, at har er ein talva fyri fólk, sum hava eina bachelorgrad. Vit halda, tað er nátúrligt, at okkara fólk eisini verða lønt eftir hesari. 

Hetta segði Jógvan Philbrow við Kringvarpið, áðrenn hann fór á fund við álitisfólkini um gongdina í samráðingunum við lønardeildina í fíggjarmálaráðnum.

 

 
Er kopiera
Nýggjastu sendingar í ÚV
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Leygardag 14. november
TEMAPLÁTAN 40: 'Fahrenheit', Toto, 1986
215932
Nýggjastu sendingar í SV
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214
Sunnudag 15. november
Talvið um Tinganes (2:2) - teknmálstulkað
216435