Høgni Hoydal: Einki er avgjørt enn

- Vit meta, at grundarlag er fyri at halda, at uppskotið verður samtykt, men vit vita einki við vissu, fyrr enn trýst er á tann grøna knøttin, sigur Høgni Hoydal, landsstýrismaður í fiskivinnumálum undan tingfundinum í morgun.

Óluvá Zachariassen tosaði við Høgna Hoydal í løgtinginum fyri løtu síðani.

Tingfundurin, sum skuldi byrjað klokkan 10 er ikki byrjaður enn, hóast klokkan er 11.30

Orsøkin er, at tey bíða eftir broytingaruppskotum, sum skulu latast inn, áðrenn viðgerðin fer í gongd. Fleiri broytingaruppskot eru - millum annað frá samgonguni sjálvari.