Landsstýrið fegið um uppskot úr andstøðuni

24.01.2018 - 12:52
InnlendisHeilsa
Landsstýrið fegið um uppskot úr andstøðuni
Uppskot hjá Sambandsflokkinum kann hjálpa sjúkrahúsverkinum til at stytta bíðitíðirnar, vónar landsstýriskvinnan í heilsumálum  
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 
Bíðitíðirnar á sjúkrahúsunum eru ov langar, viðganga politikararnir.

Landsstýriskvinnan í heilsumálum vónar, at eitt uppskot til samtyktar úr andstøðuni kann hjálpa sjúkrahúsverkinum til at stytta bíðitíðirnar.  

Uppskotið hjá Sambandsflokkinum um viðgerðartrygd er í Trivnaðarnevndini, har tað hevur verið síðani fyrsta viðgerð var 14.november.

Málið er aftur á skránni hjá nevndini týsdagin. 

Sambandsflokkurin heitir á landsstýrið um at seta eina skipan í verk um viðgerðartrygd til allar føroyingar og leggja fram neyðug lógaruppskot í hesum sambandi.

Eingin skal bíða longur enn ein mánað frá tí, at illgruni er staðfestur, til viðgerðin verður sett í verk. 

Ítøkilig loysn

Sirið Stenberg sigur seg vóna, at politikarar og serfrøðingar, sum Trivnaðarnevndin vónandi kallar inn, fáa lýst spurningin um bíðitíðir í sjúkrahúsverkinum.

Landsstýriskvinnan vónar, at vit koma nærri einari ítøkiliga loysn.

Sirið Stenberg segði við Útvarpið hálvan november í fjør, at uppskotið hjá Sambandsflokkinum er vælkomið.

Trivnaðarnevndin hevur higartil bara tosað um uppskotið hjá Sambandsflokkinum á einum fundi.

 
Er kopiera
Nýggjastu sendingar í ÚV
Nýggjastu sendingar í SV
Mikudag 9. juli
Dagur og vika - teknmálstulkað
194245
Týsdag 8. juli
Veðrið
194213
Leygardag 5. juli
Video: 6mf menn
194076