Eingin veit, hvussu dálkandi alivinnan er

bannari
23.03.2018 - 12:42
AktueltUmhvørvi
Eingin veit, hvussu dálkandi alivinnan er
Eingin myndugleiki í Føroyum veit, hvussu dálkandi alivinnan er fyri umhvørvið í firðunum, staðfesta samgongulimir í Vinnunevndini

Tak niður

Alivinnan er stór, og framleitt verður á so at siga á hvørjum einasta firði í landinum. Kortini er eingin vitan um umhvørvið og lívið, sum annars er har, ið aliøkini eru. Og tað má broytast. 

Tað sigur Umhvørvisstovan, nú løgtingið er í ferð við at dagføra alilógina.

Vita einki

Eingin myndugleiki í Føroyum veit, hvussu dálkandi alivinnan er fyri umhvørvið í firðunum.

Tað stafesta samgongulimirnir í Vinnunevndini, nú álit er skrivað um broyttu alilógina.

Umhvørvisstovan sigur púra greitt í sínum hoyringarsvari, at alingin, sum er ein av størstu vinnununum, eisini er ein týðandi dálkingarkelda, sum kann hava álvarsligar avleiðingar fyri lív og umhvørvið á firðunum. 

Umhvørvisstovan harmast

Umhvørvisstovan harmast um, at ein meginregla um, at alingin skal vera umhvørvisliga fullgóð, ikki er við í uppskotinum, og serliga fílist Umhvørvisstovan á, at umhvørvisárinsmetingar slett ikki eru partur av uppskotinum.

- Vitanin um vistfrøðina á firðunum, sum m.a. eisini eru vakstrarøki hjá ungfiskinum, er sera avmarkað, sigur Umhvørvisstovan, og tí mæla tey til, at árinsmetingar skulu gerast av hvørjum firði.

Árinsmetingarnar skulu lýsa vistfrøðina á staðnum, og hvørja ávirkan alingin hevur á hana. 

Einki krav um árinsmetingar í samband við aling

Í løtuni skulu árinsmetingar gerast, eitt nú í samband við havnaútbyggingar og í samband við oljuleitingar.

Tað er ikki eitt krav í samband við aling á firðunum í Føroyum. Tað vil Umhvørvisstovan hava broytt, soleiðs at alifeløg skulu leggja eina árinsmeting við eini umsókn um aliloyvi ella í samband við endurnýggjan av einum aliloyvi. Árinsmetingar, ið meta um avleiðingarnar fyri allan fjørðin, har virksemi skal verða.

Lena Zisakon, umhvørvisviðgeri á Umhvørvisstovuni, sigur, at við at kanna firðirnar, so fæst ein greiðari mynd eisini av, hvussu nógv alivirksemi teir ymsu firðirnir klára.

 
 
Nýggjastu sendingar í ÚV
Mánadag 17. februar
City í tungum sjógvi
104928
Mánadag 17. februar
Dagsins yrking - Hitt blinda liðið
104570
Mánadag 17. februar
Góðan morgun Føroyar 170220
104913
Mánadag 17. februar
Morgunlesturin mánamorgunin 17. februar 2020
104413
Sunnudag 16. februar
Bolero
104898
Nýggjastu sendingar í SV
Sunnudag 16. februar
Guðstænasta úr Árnafjarða kirkju
104893
Sunnudag 16. februar
Ferðavinna og landbúnaður
104894
Sunnudag 16. februar
Andaktin
104891
Leygardag 15. februar
Hondbóltur: H71 - Kyndil
104880
Leygardag 15. februar
Hondbóltur: H71 - VÍF
104874