- Tíðindi, mentan og ítróttur
RNP-skipanin hjá Vága Floghavn liðug
![](https://kvf.fo/sites/default/files/styles/news_xtra_xtra_large/public/vaga_floghavn_2.png?itok=bpxu73w6)
RNP er ein innflúgvingarskipan, sum hjálpir flogførum at flúgva bestu leiðina á flogvøllin - millum annað í ringum sýni. Og nú hevur Vága Floghavn fingið egna RNP-skipan.
Tað er neyðugt hjá einum flogvølli at hava eina tílíka skipan, sigur Gudny Langaard, stjóri í Vága Floghavn.
Atlantsflog fekk egna RNP skipan í 2012, ein skipan sum samanlagt hevur kostað felagnum uml. 30 milliónir krónur.
Stjórin í Atlantsflogi, Jóhanna á Bergi, hevur kallað skipanina hjá Vága Floghavn beinleiðis stuðul til SAS.
- Vit eru ein flogvøllur, sum ynskja at vera dagførd tøkniliga (...) Vit ynskja at gera flogvøllin atkomulig fyri øll. So nei, eg vil ikki siga, at vit gera kappingarførið verri hjá Atlantic. Hetta er ein tænasta, sum vit veita til flogfeløg, sum ynskja at flúgva til Føroyar, sigur stjórin á Vága Floghavn, Gudny Langaard.
Fyri at kunna brúka skipanina krevst loyvi frá danska Ferðslustýrinum, og hjá SAS bíða tey nú eftir hesum loyvi, áðrenn tey fara undir at brúka skipanina.
Tak niður
Sí eisini