Vága Floghavn hevði 3,9 mió. kr. í avlopi metárið í fjør

Vága Floghavn hevði 3,9 mió. kr. í avlopi metárið í fjør
431.079 ferðandi fóru um Vága Floghavn í 2023, og tað er met, og tað sæst eisini aftur á botnlinjuni
 
19.04.2024 - 08:48

3,9 milliónir krónur í avlopi stóðu eftir á botnlinjuni hjá Vága floghavn, tá 2023 var gjørt upp.

Hetta er nakað minni enn í 2022, tá avlopið var 8,8 milliónir krónur.

431.079 ferðandi fóru um Vága Floghavn í 2023, og tað er met.

Samstundis stafestir hetta, at talið av ferðandi er komið uppaftur á stigið sum var undan koronufarsóttini.

Talan er um ferðandi báðar vegir, so tí fóru góðir 200.000 einstakir persónar um flogvøllin í fjør.

 

Bogi Bendtsen í nevndina

Á aðalfundinum í gjár vórðu aðalfundarvaldu umboðini í nevndini afturvald, umframt at eigarin nýtti høvið til at velja ein nevndarlim afturat, sum var Bogi Bendtsen.

Ætlanin við hesum er serliga at styrkja um fíggjarligu førleikarnar í nevndini, nú so nógvar og stórar útbyggingar standa fyri framman.

Nevndin hevur skipað seg við Biritu Sandberg Samuelsen sum nevndarforkvinnu og Janusi Rein sum næstformanni.

Er kopiera
Nýggjastu sendingar í ÚV
Sunnudag 19. mai
Bolero - Hvítusunna
175301
Sunnudag 19. mai
Guðstænasta í Gøtu kirkju.
175298
Sunnudag 19. mai
Kórstevnan 2024 (2:2)
175262
Sunnudag 19. mai
Kórstevnan 2024 (1:2)
175261
Nýggjastu sendingar í SV
Mánadag 20. mai
Suð í Keypmannahavn
175066
Mánadag 20. mai
Andakt við Jógvani Zachariassen
175305
Mánadag 20. mai
Andakt við Derhardi Jógvansson
175303
Sunnudag 19. mai
Guðstænasta úr Gøtu kirkju
175297