Útflutningurin fer at minka 500 milliónir í ár

Hagstovan upplýsti í vikuni, at fyrsta ársfjórðing í ár útfluttu Føroyar væl minni av makrel og sild, sammett við fyrsta ársfjórðing í fjør.

Russar rinda minni

Høvuðsorsøkin er, at russar vilja ikki rinda tað sama fyri sildina, sum teir hava.

Sildin er vorðin ov dýr at keypa.

Russar eru eisini í størri mun sjálvir farnir at fiska sild, og tað ávirkar eisini prísleguna.

Minkar 500 mió. kr. í alt

So tann samlaði føroyski útflutningurin fer at minka í ár.

Samlaða føroyska makrelkvotan er minkað sløk 27 túsund tons.

Og verður makrelurin seldur fyri sama prís sum í fjør, so minkar útflutningurin av makreli okkurt um 300 milliónir krónur.

Føroyska sildakvotan er minkað sløk 33 túsund tons, og prísurin verður lægri.

Tí fer útflutningurin av sild at minka við okkurt um 220 milliónir krónum.

Í alt fer útflutningurin av makreli og sild at minka slakar 500 milliónir krónur, heldur Pól Huus Sólstein, stjóri á North Pelagic.