Stevna Fiskimálaráðnum eftir 127 milliónum í endurgjaldi

Stevna Fiskimálaráðnum eftir 127 milliónum í endurgjaldi
Fiskimálaráðið er sinnað at rinda reiðarínum NorthWest Pelagic 24 milliónir, men reiðaríið vil helst hava uppsjóvarkvotur
Uppsjóvarskipið Atlantsfarið skifti eigara úr Miðvági til Kollafjarðar, og fekk navnið Norðhavið. 
 
02.10.2024 - 09:48

Málið byrjar tíðliga í 2016.

Vørn noktar at skriva út veiðiloyvi til uppsjóvarskipið Atlantsfarið, sum skiftir eigara úr Miðvági til Kollafjarðar, og fær navnið Norðhavið. 

Vørn tvíheldur um, at hollendska felagið Jaczon stýrir felagnum NorthWest Pelagic, øllum sum tað er, hóast Jaczon á pappírinum bara eigur ein triðing av felagnum. Tað er markið í føroysku fiskivinnulóggávuni.

Fiskimálaráðið hevur somu støðu sum Vørn. Veiðiloyvi verður ikki útskrivað. Eftir drúgt kærumál kemur Føroya rættur í 2019 til ta niðurstøðu, at Fiskimálaráðið hevði ikki heimild at nokta NorthWest Pelagic at fáa veiðiloyvi útskrivað.

Ráðið megnar ikki at lyfta próvbyrðuna, um at felagið í Kollafirði verður stýrt úr Hollandi.

 

Jógvan Martin Ferjá Joensen, reiðari. 

 

Avgerðin ógildað

Avgerðin hjá Fiskimálaráðnum verður ógildað, og ráðið verður dømt at viðurkenna, at tað skuldi havt útskrivað bæði veiðiloyvi og øll fiskiloyvi, sum reiðaríið annars hevði rætt til. Fiskimálaráðið roynir ikki málið í landsrættinum, og avgerðin í Føroya rætti verður tí standandi.

Líka síðani hava partarnir samráðst um endurgjald. 

Nú er málið komið til eitt vegamót.

 

 

Fiskivinnu- og Samferðslumálaráðið er sinnað at gjalda reiðarínum 24 milliónir krónur í endurgjaldi, og upphæddin er eisini tikin við í frágreiðingina, sum fylgir við fíggjarlógaruppskotinum.

Sambært Jógvani Martin Ferjá Joensen, stjóra í NorthWest Pelagic - sum í dag eitur P/F Jupiter - vil reiðaríið heldur hava kvotur.

- Vit vilja hava nøkur túsund tons av uppsjóvarkvotu, sum vit kunnu liva av. Fáa vit tað, so vilja vit ikki eina krónu úr landskassanum, sigur hann.

 

Reiðaríið vil helst hava kvotur av uppsjóvarfiski.

 

Hava stevnt

Tað fær reiðaríið ikki. Nú hevur felagið so stevnt Fiskivinnu- og Samferðslumálaráðnum eftir 127 milliónum krónum.

Tað ger felagið, tí tað í trý ár - frá 2016 til 2019 - ongar kvotur hevði at fiska, og felagið slapp heldur ikki upp í part at keypa kvotur á táverandi uppboðssølu, tí tað var mett at vera útlendskt. Uppboðssølukvoturnar blivu seinni broyttar til varandi kvotur, og fingu tá størri virði.

Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592