Fara ikki at hækka skuldarloftið

04.06.2018 - 13:02

Innlendis

Kommunala skuldarloftið verður ikki hækkað, sum Kommunufelagið ynskir. Tað sigur Kristina Háfoss, landsstýriskvinna í fíggjarmálum.

Elin Mirjamsdóttir

0 seconds of 0 secondsVolume 90%

00:00

Kristina Háfoss, landsstýriskvinna í fíggjarmálum

Eldraøkið er lagt út til kommunurnar at umsita, og tí hava kommunurnar ført fram ynski um at hækka skuldarloftið við áleið 30 prosentum, sum svarar til íløgutørvin á eldraøkinum.

Men Fíggjarmálaráðið fer ikki at hækka skuldarloftið hjá kommununum. Tað sigur landsstýriskvinnan í fíggjarmálum.

Kommunurnar kunnu lána upp til eina álíkning, og sum støðan er í løtuni, so er eingin kommuna, sum er omanfyri skuldarloftið.

Sambært tølum frá Fìggjarmálaráðnum er rásarúmið fyri samlaðum kommunalum íløgum stórt í løtuni. Samlað kunnu kommunurnar kring landið lána 1.859 mió. kr.