- Sjálvsagt skulu trúgvandi syngja á festivalum

Er tað sømiligt, at ein trúgvandi tónleikari boðar sín boðskap á einum festivali, har øl verður skonkt?

Tað er ein spurningur, sum Eyðun Jacobsen hevði hug at svara, tá hann fríggjadagin skrivaði nøkur orð á sín facebook-vanga.

Hann er sjálvur avgjørdur. Kristni boðskapurin skal boðast, har fólkið er. Og kanska serliga har, ið møguleiki er fyri at fáa nýggj fólk til frelsu.

Tí hevur Eyðun Jacobsen játtað at spæla á Summarfestivalinum í ár.

Men spurningurin er størri enn bara eitt svar. Tí hann setir hol á eitt eymt evni millum trúgvandi um, hvar markið gongur millum tað andaliga og verðsliga. EIn balansugongd, sum søguliga hevur flutt seg støðugt - nakað sum fólk vilja kalla eina glíðubreyt.

Eyðun Jacobsen sær ongan trupuleika í, at trúgvandi fara í biograf ella ganga í náttárlívinum um vikuskiftið - so leingi tey eru ílatin trúgvandi frakkanum.

Summartímin mikudagin 25. juli