VEKS flytur dementan mann á nýtt røktarheim

27.08.2018 - 17:35
Aktuelt
VEKS flytur dementan mann á nýtt røktarheim
Heimatænastan VEKS heldur fast um avgerðina at flyta ein eldri mann, sum hevur demens, frá røktarheimi í Runavík til røktarheim í Streymnesi.
Eysturoyar Ellis- og røktarheim skal ikki longu hýsa 80 ára gamla, dementa manninum. Veks ætlar at geva manninum nýtt búpáss á Mørkini í Streymnesi.

Familjan hjá 80 ára gamla manninum kærdi í mai mánað avgerðina hjá VEKS-samstarvinum at flyta hann á eitt annað røktarheim. Veks er samstarv millum Vestmanna, Kvívík, Eiði og Sunda kommunu. 

Familjan óttast afturstig

Maðurin skal flytast av Eysturoyar Ellis- og røktarheimi í Runavík til Ellis- og røktarheimið á Mørkini, sum er í Streymnesi, sum Veks-samstarvið varðar av. 

Tey avvarðandi eru ímóti flytingini, tí maðurin hevur demens, og Eysturoyar Ellis- og røktarheim hevur verið hansara heim seinastu 13 árini.

Tey óttast fyri, at flytingin fer at geva honum álvarslig afturstig.

VEKS heldur fast: Maðurin skal flytast

Men hóast kæruna frá familjuni, og hóast kæruviðgerðin ikki er liðug, hevur Veks boðað manninum frá, at hann skal flytast. Týsdagin í farnu viku fekk hann eitt bræv frá Veks um, at tey ætla at flyta hann á Mørkina.

Marjun Joensen, sum er avvarðandi, stendur spyrjandi saman við hinum í familjuni.

SÍ EISINI: Noyddur at flyta røktarheim

Í brævinum grundgevur Veks fyri, hví tey ætla at flyta hann. Tey vísa m.a. á, at búplássið í Runavík kostar góðar 699.000 krónur. Sunda Kommuna, haðani maðurin upprunaliga er ættaður, eigur ikki longur í Eysturoyar ellis- og røktarheimi.

Veks vil ikki longur gjalda fyri búplássið, tí tey meta seg kunna hýsa honum á Mørkini ístaðin. Og so eru aðrar grundgevingar eisini í brævinum. Tænastan er góð, og sama er umhvørvið.

Onga viðmerking

Marjun Joensen sigur, at 80 ára gamli maðurin er ikki førur fyri at skilja tað, sum Veks-samstarvið skrivar, tí hann hevur demens.

Tey mæla staðiliga frá at flyta hann úr sínum gerandisumhvørvi, har hann hevur verið seinastu 13 árini.

Niels A. Joensen, leiðari hjá Veks, sigur, at hann hevur onga viðmerking til málið, tí talan er um eitt persónsmál.

 
Er kopiera

Tak niður

Nýggjastu sendingar í ÚV
Týsdag 25. januar
Morgunlestur týsdagur 25.januar 2022
133936
Mánadag 24. januar
Við Tórði á túri í Svínoy (1:2)
134512
Mánadag 24. januar
Nón 24. januar 2022
134509
Mánadag 24. januar
Norðurljóð 24.januar 2022
134388
Mánadag 24. januar
Gjógvin fer vónandi at minka
134501
Nýggjastu sendingar í SV
Mánadag 24. januar
3-2
134528
Sunnudag 23. januar
Hvør veit?
134453
Sunnudag 23. januar
Andakt við Sólfríð Heinesen
134450
Sunnudag 23. januar
Guðstænasta úr Vesturkirkjuni
134455
Fríggjadag 21. januar
Lyst 47
134249