- Tíðindi, mentan og ítróttur
Svøríkisdemokratarnir vilja hava ávirkan
Nú byrja samgongutingingar um at fáa nýggja stjórn, og til nýggj stjórn er skipað, verður Løfven sitandi.
Hetta er fyrstu ferð, at ríkisdagurin hevur havt slíka atkvøðurgreiðslu yvirhøvur, tí tá formaðurin í Moderaterna, sum var forsætiráðharri tapti valið í 2014, valdi hann sálvur at leggja frá sær. Tað vildi Stefan Løfven ikki.
Atkvøðugreiðslan í morgun vísti, at 204 tinglimir søgdu nei til at lata hann halda fram at stýra landinum, meðan 142 søgdu ja.
Í ljóðbrotinum kanst tú hoyra hvussu tað ljóðaði, tá svenski ríkisdagurin feldi Løfven.
Jimmy Åkeson, formaður í Sverigedemokraterne segði fyrr í morgun við SVT, at Ulf Kristersson, sum er formaður í Moderaterna ikki kann blíva nýggjur forætisráðharri uttan teirra stuðul og ávirkan.
- Ulf Kristersson kann velja at samstarva annaðhvørt við Løfven ella við meg. Hann hevur ikki egnan meirluta í ríkisdegnum, og hann hevur ikki so frægt sum størsta blokkin heldur, sigur formaðurin í Sverigedemokraterna við SVT.
- Vil Kristersson gerast forsætisráðharri, so verður hann tað bara við mínari hjálp, sigur hann.
Og kemst ikki á mál við nøkrum av møguleikunum, so harmast Jimmy Åkeson ikki um tað verður nýval.
- Tvørturímóti. Eg haldi, at vit høvdu fingið betri úrslit, men tað broytir kanska einki. Kortini vildi eitt nýval kanska fingið serliga Ulf Kristersson sannførdan um at sleppa hesari angistini fyri at koma víðari, sigur formaðurin í Sverigedemokraterna við SVT.
Tak niður
Sí eisini