Krabbameinsavtala við sjúkrahúsið í Aalborg

19.10.2018 - 08:52
InnlendisHeilsa
Krabbameinsavtala við sjúkrahúsið í Aalborg
Føroyskar kvinnur, sum fáa bróstkrabba, skulu frá 1. januar hava viðgerð frá læknum á Aalborg Sjúkrahúsi.
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 
Jóanis Erik Køtlum er sjúkrahússtjóri, og hann lovar, at nýggja avtalan gevur bróstkrabbasjúklingum gott og væl samkipað tilboð.

Landssjúkrahúsið hevur sagt avtaluna við íslendska krabbaskurðlæknan upp, og nýggj avtala er gjørd við Aalborg Sjúkrahús um at taka sær av bróstkrabbaviðgerðini í Føroyum.

Føroyskir bróstkrabbasjúklingar hava stríðst fyri at varðveita skipanina við íslendska bróstkrabba-skurðlæknan, Kristian Skúla Ásgeirsson.

Men nú er greitt, at hetta samstarvið endar, og ístaðin verður tað Aalborg Sjúkrahús, sum fer at taka sær av føroyskum bróstkrabbasjúklingum.

Eisini plastikkskurðviðgerðir

Avtalan við Aalborg gevur betri samskipan, og avtalan gevur eisini sjúklingum eitt betri tilboð enn í dag, lovar sjúkrahússtjórin, Jóanis Erik Køtlum.

Avtalan inniber, at meginparturin av kvinnunum, sum fáa bróstkrabba, verða skurðviðgjørdar í Føroyum.

Ein orsøk til at føroyskir bróstkrabbasjúklingar hava verið glað fyri íslendska serlæknan, er at hann umframt at vera serkønur í bróstkrabbaskurðviðgerð, eisini er plastikk-skurðlækni.

Avtalan við Aalborg fer eisini at geva føroyskum kvinnum atgongd til plastikkskurðviðgerð, sigur sjúkrahússtjórin.

Avtalan við Kristian Skúla Ásgeirsson endar 1. januar.

 
Er kopiera
Nýggjastu sendingar í ÚV
Nýggjastu sendingar í SV
Mikudag 23. juli
Dagur og vika - teknmálstulkað
194872
Týsdag 22. juli
Veðrið
194844