Føroyar avsmurdar

Føroyska mandslandsliðið bleiv avsmurt 35-17 av danska hondbóltslandsliðnum í EM-undankappingardystinum í Skjern seinnapartin.

Hóast føroyingarnir vóru væl við fyrstu 20 minuttirnar, so sást skjótt, at danska landsliðið, sum telist millum heimsins bestu, var ein ov stórur biti hjá føroyskan liðnum.

Hálvleiksstøðan var 17-8 til Danmark.

Serliga í seinna hálvleiki skoraðu danir sum teimum lysti, meðan føroysku spælararnir máttu stríðast fyri hvørjum máli.

Og tá avtornaði stóð 35-17 á máltalvuni.

Toppskjútti hjá føroyingum var Niclas Selvig við fýra málum, meðan tað - ikki óvæntað - var superstjørnan Mikkel Hansen, sum skoraði 9 mál fyri Danmark.

Helgi Hildarson Hoydal var sera vónbrotin, tá Heðin Arge tosaði við hann eftir dystin