Tíðin gekk undan, tí kom uppskotið frá Framsókn

Hóast landsstýrismaðurin í fiskivinnumálum alment hevur boðað frá, at fiskidagar verða eisini næsta ár, hóast lógin sigur kvotur, hevur Vinnunevndin hjá løgtinginum tvey uppskot um fiskidagar.

Annað er uppskotið hjá andstøðuni um at strika ásetingina um kvotur í lógini um sjófeingi og seta fiskidagar í staðin.

Hitt er uppskotið hjá tingkvinnunum hjá Framsókn um fiskidagar næsta ár, sum tær tó tóku aftur, men sum Jørgen Niclasen loftaði og legði fram aftur.

Fyrsta viðgerð var um bæði uppskotini í tinginum í gjár.

Hanna Jensen í Framsókn greiddi í gjár tinginum frá, hví hon og Ruth Vang tóku aftur uppskotið um fiskidagar.

Hon segði, at í Framsókn eru fólk, sum vilja hava fiskidagar og fólk, sum vilja hava kvotur. 

Semja var í samgonguni fyri einum ári um, at hetta skuldi viðgerast í ár.