Verkfalsrættur kemur í aðru røð

bannari
26.11.2018 - 12:19
Innlendis
Verkfalsrættur kemur í aðru røð
Støðan er so mikið álvarslig á føðideildini á Landssjúkrahúsinum, at vit ikki taka atlit at verkfalsrætti, sigur Jóanis Erik Køtlum, sjúkrahússtjóri

Tað kann koma at standa um lív á føðideildini á Landssjúkrahúsinum. So mikið álvarslig metir Jóanis Erik Køtlum, sjúkrahússtjóri, støðuna vera. 

Sambært honum skulu barnakonurnar í Føroyum ikki kenna seg tryggar.

Tískil setti sjúkrahússtjórin tvær danskar ljósmøður til arbeiðis leygardagin, tá Ljósmøðrafelagið herdi verkfallið og strikaði øll undantøkini. Talan er um tvær danskar ljósmøður, ið eru tengdar at eini vikarstovu í Danmark. 

Annika Hoydal, forkvinna í Ljósmøðrafelagnum, segði við útvarpið leygardagin, at hon harmast um, at vikarstovan í Danmark ikki virðir verkfalsrættin hjá teimum. 

Danska ljósmøðrafelagið ilskast somuleiðis á verkfalsbrótarar, sum tey sjálvi taka til. Lillian Bondo, forkvinna í danska ljósmøðrafelagnum, segði við útvarpið í gjár, at hetta ikki kann góðtakast.

 
Er kopiera

Tak niður

Nýggjastu sendingar í ÚV
Nýggjastu sendingar í SV
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652