Var tikin av ræði sum nevndarformaður

Stutt fyri býráðsfundin í gjárkvøldið fekk Jonhard Danielsen at vita, at hann er ikki partur av meirilutanum longur.

Meirilutin, sum nú eru 10 av 11 kommunustýrislimum, sigur orsøkina vera, at hann av órøttum hevur lagt harðliga eftir persónum í umsitingini.

Í skrivi á Facebook í síðstu viku, skrivaði Jonhard Danielsen millum annað, at tað at tosa við umsitingina í kommununi er sum at tosa við stein.

Hann nevndi eisini ein skrivara, sum var 20 minuttir ov seinur til ein fund.

Jonhard Danielsen, sum var valdur á lista C, hevur verið formaður í teknisku nevnd hetta valskeiðið, men nú hann ikki er partur av meirilutanum longur, hevur Kristian Gaardbo tikið við formanssessinum.

LES EISINI: Nú var neyðugt at umskipa býráðið

Jonhard Danielsen fekk næstflestar atkvøður á kommunuvalinum í 2016.

Hann fekk 171 atkvøður.

Hoyr samrøðu við Jonhard Danielsen, sum var send í útvarpstíðindunum.