Eingi kemisk evnir nýtt at basa laksalús

Í tvey ár hevur Bakkafrost ikki nýtt kemisk evnir til at basa laksalúsini, og tað gongur støðugt framá við viðgerðini, sum felagið hevur arbeitt við í nøkur ár.

Tað stóð í fráboðan frá fyritøkuni fyri annan ársfjórðing í ár, sum varð almannakunngjørd í vikuni.
Í fráboðanini sigur felagið seg fegnast um, at einki av alibrúkunum hevði lúsatøl omanfyri markið í ársfjórðinginum. Og tað fegnast Regin Jakobsen stjóri eisini um.