Mistu fisk í ódnarveðri fyri 23 mió. kr.

Tað var av ringasta veðri í februar, og tað rakti eisini Bakkafrost meint.

Fyritøkan misti 1,2 milliónir alifiskar, sum kundu givið 6.000 tons av fiski til sølu.

Staðfesta tapið er 23 milliónir kr. umframt tað, sum felagið kundi fingið fyri fiskin, tá hann varð seldur.

Regin Jacobsen, stjóri í Bakkafrosti, sigur, at talan er um munandi tap.

Bakkafrost misti mesta fiskin í alibrúkum á plássum, sum venda eystureftir. Tað eydnaðist at taka allan tann deyða fiskin upp. 

Fyrsta ársfjórðing í ár hevur Bakkafrost sett nærum tvær so nógv smolt út, sum somu tíð í fjør.

Meiri verður at frætta í útvarpstíðindunum.