Samd um samráðingarrættin

Danska fakfelagið FPU, sum Arbeiðsgevarafelagið ikki vildi samráðast við, verður við til sáttmálasamráðingar hjá flogternunum kortini, men formelt er tað Súlan, ið samráðist, og FPU er við sum ráðgevi.

Súlan og Føroya Arbeiðsgevarafelag hava longt sáttmálan til 15. november. Jens Andreas Vinther, advokatur hjá Súluni, fær ikki sagt nakað um, um samráðingarnar fara at bera á mál.

Gera tær ikki tað, so kann verða verkfall 22. november. Samráðingarnar verða tiknar upp aftur í næstu viku.