Nú nærkast jólum, vit eru í jólahýri, og tí fer sendingin at snúgva seg um eina jólaframsýning og um jólatónar!

Nógvar jólakonsertir eru á skránni í desembur, og ein av teimum verður leygardagin í auluni í Finsen kl. 19.30. Tað er konsertin "Jólaklingur" hjá teimum fýra ungu kvinnunum Beintu Ingeborg Greve, Sannu Bæk Hoydal, Borgfríð Fonsdal Johannesen og Juliu Fonsdal Højgaard.

Eisini hava tær eina heimakonsert á Skála fríggjadagin. Vit tosa við tær um konsertina, um jól, sang og teirra tónleikaleiðir og fara tær at framføra tvey løg live úr studio 5.

Vit fregnast eisini um stóru jólaframsýningina "Jól hjá Thomsen", sum er Tvøroyar bygda- og sjóvinnusavn hevur tikið stig til í gomlu bygningunum hjá Thomsen á Tvøroyri. Framsýningin lýsir millum annað jólatrø og gávur frá ár 1900 til 1970´ini.

Vit tosa við Sirið Andreasen frá Tvøroyra bygda- og sjóvinnusavni, sum hevur gjørt framsýningina í samstavi við Johan Holm Simonsen, framsýningarsniðgeva, og Anitu Wibergsdóttir.