Ferðavinna: Ódámligt at gera mun

Føroyingar skulu ikki gjalda fyri at ganga í haganum, men tað skulu útlendingar. Tað siga bæði landstýrismaðurin, sum umsitur ferðavinnuna og bøndirnir, sum fyrsta dagin koma við eini skipan sum ferðafólk skulu keypa sínar ferðir ígjøgnum. 

Tað er ódámligt, helur Gurið Højgaard, stjóri á Visit Faroe Islands.

Helgi Abrhamsen, landsstýrismaður í Vinnumálum, var eisini greiður á máli, tá hann var í breddanum í síðstu viku. Føroyingar skulu ikki gjalda, men tað skulu útlendingar. Hvussu tað heilt ítøkiliga skal skipast vildi landsstýrsimaðurin ikki siga nakað um. 

Hvussu vit skilja milum føroyingar og onnur vildi landsstýrismaðurin ikki koma inn á enn - ta finna vit útav, var svarið.

Men nú skal eisini strandferðslan skilja millum føroyingar og onnur, sigur Jøregn Niclasen, landsstýrismaður í fíggjarmálum.

Orsøkin er, at føroyingar gjøgnum skattin fíggja trýgjar fjórðingar av hvørjum ferðaseðli, sum verður keyptur. 

Ein føroyingur er sambært landsstýrismanninum ein, sum hevur eitt føroyskt p-tal og eitt føroyskt pass.

Men hvat er ein føroyingur? Og hvussu gera vit eina gjaldskipan, sum ger mun fólki uttan at tey kenna seg sum annanrangs-borgarar?

Tað spyrja vit Hilmar Eliasen um í Breddanum