Eygleiðari: Ikki óvæntað at Framburðsflokkurin fór

Tað var ikki óvæntað, at Framburðsflokkurin tók seg úr norsku stjórnini nú.

Tað sigur Jógvan Hugo Gardar, journalistur í Oslo, um politisku støðuna.

Framburðsflokkurin vildi ikki góðtaka, at ein IS-kvinna, sum er skuldsett fyri yvirgang, slapp aftur til Noregs.

Í Noregi ber ikki til at hava val í ótíð, og tí er mest sannlíkt, at Framburðsflokkurin verður stuðulsflokkur hjá stjórnini hjá Ernu Solberg, forsætisráðharra, sigur Jógvan Hugo Gardar.

Meira verður at frætta í útvarpstíðindunum klokkan 18.