- Tíðindi, mentan og ítróttur
Forbodnu skipini hava fiskað í Føroyum
Forbodnu skipini hava fiskað í Føroyum
Skipini, sum Noreg og ES hava bannað orsakað av illgruna um fíggindaligt sinnað virksemi, hava framvegis fiskiloyvi í Føroyum og hava fiskað her áður
Melkart-2 var til fiskiskap í Føroyum í fjør og hevur framvegis fiskiloyvi í Føroyum. Her liggur hann á Sundi í 2015.
Mynd: Regin Torkilsson
08.07.2025 - 14:33
Melkart-2, sum er bannaður í norskum øki og øllum ES økinum, fiskaði í Føroyum í fjør og hevur aftur í ár fiskiloyvi í Føroyum. Tí kann væntast, at hann kemur til Føroya aftur, tá makrelvertíðin av álvara byrjar.
Fyritøkan Vikmar hevur kannað leiðina hjá hesum skipinum í føroyskum øki fyri kringvarpið. Á fyrstu myndini síggja vit skipið í Føroyum í fjør.
Hetta er virksemið hjá Melkart-2 í føroyskum øki í fjør. (Mynd: Vikmar)
Melkart-2 hevur verið nógv í Føroyum, og á myndini niðanfyri sæst virksemið hjá skipinum í føroyskum øki seinastu fimm árini.
Hetta er virksemið hjá Melkart-2 í føroyskum øki seinastu fimm árini. (Mynd; Vikmar)
Hitt skipið, Ostankino, hevur sambært Vikmar ikki verið í Føroyum í seinastuni. Men tað hevur tó verið her seinasta fimm ára skeiðið:
Hetta er ferðingarmynstrið hjá Ostankino millum oyggjarnar seinastu fimm árini. (Mynd: Vikmar)
Ostankino er eitt eldri skip. Tað er bygt í 1985. (Mynd: VesselFinder)
Hendan myndin vísir Ostankino til fiskiskap í Føroyum. (Mynd; Vikmar)
Tað er russiska reiðaríðið, Murman Seafood, sum eigur bæði skipini. Øll skipini hjá Murman Seafood eru bannað í Noreg og í ES.
Norska avgerðin er enn ikki formliga sett í verk, men norskir myndugleikar upplýsa fyri NRK, at tað verður hon skjótast gjørligt.
Er kopiera
Nýggjastu sendingar í ÚV
Nýggjastu sendingar í SV
