Broyta siglingina um Skopunarfjørð og út í Hest

Strandferðslan fer nú at broyta ferðasambandið um Skopunarfjørð og út í Hest.

Játtanin røkkur ikki til at hava Spógvan siglandi út í Hest longur.

Farmaferjan, sum Strandferðslan hevur keypt úr Noregi, kemur til landið í næstu viku, og hon fer serliga at taka sær av vaksandi farmaflutninginum um Skopunarfjørð.

Strandferðslan hevur boðað til borgarafund í Skopun hósdagin 13. februar um broytingarnar í ferðasambandinum um Skopunarfjørð og út í Hest.