Jørgen lovar bæði stutttíðarloysn og heildarætlan

Tá hann hevði tikið ímóti teimum 700 undirskriftunum frá nólsoyingunum, sum mótmæla ferðasambandinum um Nólsoyarfjørð, segði Jørgen Niclasen, landsstýrismaður, at arbeitt verður bæði við einari stutttíðarloysn fyri Nólsoyarleiðina og eini heildarætlan fyri Strandferðsluna.

Stutttíðarloysnin umfatar eisini Erlu Kongsdóttir, sum í løtuni er tikin úr sigling.

Ternan, sum er til klassingar, fer væntandi aftur í sigling í februar.

Ein heildarætlan skal gerast um at byggja nýggj strandfaraskip næstu árini, sigur Jørgen Niclasen.

Tá koyrandi verður í Sandoyartunlinum í 2023, verður Teistin tøkur, men hann kann ikki brúkast á Nólsoyarfarleiðini, tí hann er ov stórur til havnina í Nólsoy.

Hoyr innslag í útvarpstíðindunum.