Heilsutrygd: Vit noyðast at halda lógina

- Vit noyðast at halda lógina.

Tað sigur Egil á Bø, stjóri í Heilsutrygd, sum hevur avgjørt at royna eitt gamalt trætumál um heilsutrygdargjald í rættinum..

Lógin sigur, at tað skal gjaldast í Føroyum.

Men ein norðurlendskur sáttmáli sigur, at gjaldið ikki skal gjaldast í Føroyum.

Kærunevndin í almannamálum, familjumálum og heilsumálum hevur avgjørt, at føroyingar, sum arbeiða í einum øðrum Norðurlandi, skulu ikki gjalda heilsutrygdargjald sambært sáttmálanum um sosiala trygd.

Men lógin áleggur Heilsutrygd at krevja pengar frá øllum, sum eru fylt 18 ár, og sum lógin umfatar. Og hon umfatar øll, sum búgva í Føroyum.