Kæra avgerð um rokning frá Landssjúkrahúsinum

Rósa Heinesen og Niels Rødgaard fara at kæra avgerðina hjá Landssjúkrahúsinum at senda teimum eina rokning upp á 26.000 krónur fyri at eiga sonin, Rana, í Føroyum.

Tey búgva í Keypmannahavn, har Niels er undir hægri lestri, men Rósa átti í Føroyum, tí tey noyddust at faraheim í skundi fyri at vera hjá mammu Niels, sum lá til tað síðsta við krabbameini.

Stóru rokningina fyri barnsburðin hava tey fingið, tí tað er Niels, og ikki Rósa, sum er í útbúgvingarørindum uttanlands.

Hoyr Rósu Heinesen greiða frá í útvarpstíðindunum.