1870 hoknar

Tað er nógv trýst á heilsuverkið í hesum døgum, og tað merkist eisini á læknavaktini 1870, tí fólk ringja har allatíðina.

Men tað hevur tað við sær, at tey, ið veruliga hava tørv á læknahjálp, ikki fáa samband við lækna, tí fólk við spurningum um covid 19 ringja so nógv.

- Eisini við spurningum, sum svar kann fáast uppá á heimasíðuni hjá heilsumálaráðnum, hmr.fo, sigur Marius Dam, formaður í Kommunulæknafelagnum.

Hann biður fólk á at fara á hmr.fo, áðrenn tey ringja 1870.