Tórshavnar Kommuna rindar rokningar beinanvegin

Tórshavnar Kommuna ger eina roynd at veita vinnulívinum eina hjálpandi hond.

Allar deildir og stovnar í kommununi hava fingið áheitan um at avgreiða allar rokningar og fakturar so skjótt sum til ber - eisini hóast freistin at rinda ikki er farin.

Endamálið er at hjálpa einum parti av vinnuni við gjaldførinum.

Ætlanin er eisini at framskunda smærri umvælingararbeiði fyri at halda vinnuni koyrandi, stendur víðari í skrivinum frá Tórshavnar Kommunu.