Brúkið fyrst og fremst sápu

Seinastu tvær vikurnar er eftirspurningurin av spritti farin um øll mørk, og framferðarhátturin av innkeypi av spritti er púra skilaleysur og burturvið.

Tað siga Apoteksverkið og Kemilux, sum nú í felag heita staðiliga á allar føroyingar um at nýta vit og skil í sambandi við sprittnýtsluna.

- Tað er ongin orsøk til at spritta seg fleiri ferðir um dagin, um so er, at fólk hava atgongd til vatn og sápu, sigur Hjalti Gunnarstein, landsapotekari.