- Tíðindi, mentan og ítróttur
Námsfrøðingar hjálpa til á eldraøkinum
![](https://kvf.fo/sites/default/files/styles/news_xtra_xtra_large/public/20150820_forskattingin_verdur_ikki_broytt_13.jpg?itok=-FnH0Gmz)
Námsfrøðingar, sum arbeiða á dagstovnaøkinum, standa nú til reiðar at fara til arbeiðis á eldraøkinum, skuldi tørvur verið á arbeiðsmegi har.
Pedagogfelagið og Kommunala Arbeiðsgevarafelagið skrivaðu undir avtalu um tað í gjár.
Pedagogfelagið upplýsir, at avtalan inniber, at starvsfólk sum átaka sær vaktir ella uppgávur á eldraøkinum, fáa sína vanligu løn. Um tey arbeiða meira enn teirra verandi setan, eru vanligu sáttmálatreytirnar galdandi, um meirtíð ella yvirtíð. Gjøldini fyri ólagaliga arbeiðstíð skulu eisini veitast, umframt at arbeiðstíðaravtalan við Fíggjarmálaráðið eisini er galdandi fyri tey.
Sambært Jógvani Philbrow, formanni í Pedagogfelagnum, er talan um eina sjálvbodna skipan. Tað vil siga, at fólk kunnu siga nei, um tað av einhvørjari orsøki ikki ber til hjá teimum at fara til arbeiðis á eldraøkinum.
Hoyr samrøðu við at trýsta á pílin undir myndini.
Tak niður
Sí eisini