Politistafelagið vil hava epidemilógina samtykta

- Tað er ein vakur tanki at koyra alt uppá frívilligheit; men hvat við teimum, sum ikki vilja fylgja tí frivilligheitini?

Tann spurningin setir Absalon Áargarð, formaður í Føroya Politistafelag.

Felagið hevur í skrivi í dag heitt á landsstýrið um at leggja sonevndu epidemilógina fyri Løgtingið sum skjótast.

Orsøkin er, at politiið hevur ikki heimild at seta nakran í sóttarhald, um viðkomandi ikki ynskir tað.

Formaðurin vísir á, at tey hava upplivað eitt dømi um ein persón, sum ikki vildi í sjálvboðið sóttarhald; og ein persónur kann oyðileggja alt fyri øll hini.

Í stríð við grundleggjandi rættindi

Men heimildirnar, sum epidemiógin kann geva, eru ikki uttan avbjóðingar.

Fleiri meta, at heimildin er í stríð við grundleggjandi rættindi hjá borgaranum.

Hoyr longri samrøðu við formannin í Føroya Politistafelag, Absalon Áargarð.