Fiskavirkið arbeiðir framvegis saltfisk

Hóast at tey at kalla ongan sáttmála hava um sølu, halda tey fram at gera saltfisk til londini í Suðurevropa á Fiskavirkinum í Gøtu.

Vanliga arbeiða tey 120 tons av fiski um vikuna, men nú hava tey 80 tons um vikuna.

Páll Gregersen, stjóri, nevnir sum dømi, at ein keypari í Bilbao keypti fyri 60.000 evrur í mars í fjør. Í mars í ár keypti hann fyri 600 evrur.