Fakfeløg hava ikki tikið støðu

Tey 15 fakfeløgini, sum Fíggjarmálaráðið vil hava at visa hógv og samfelagssinni, hava ikki avtalað fund enn.

Sum skilst hava tey fingið boðið 0,8 prosent í lønarhækking í ár, men einki næsta ár.

Útvarpið hevur tosað við fleiri fakfeløg seinnapartin, men eingin støða er tikin til útspælið frá Jørgeni Niclasen, landsstýrismanni.

Fundur í vikuni

Formaðurin í Lærarafelagnum, Jacob Eli S. Olsen, sigur, at hann fer at viðgera spurningin á nevndarfundi seinni í vikuni.

Hann váttar, at lønarútspælið frá Fíggjarmálaráðnum svarar als ikki til tað, sum feløgini, ið longu hava gjørt lønarsáttmála, hava fingið. Meira vil hann ikki siga í løtuni.

Starvsmannafelagið, sum hevur gjørt tvey ára sáttmála, hevur fingið áheitan frá Jørgeni Niclasen um at strika lønarhækkingina, sum skal rindast 1. oktober.

Hoyr Jørgen Niclasen, landsstýrismann, í innslagnum.