Økið í Saksun skal vera sethúsaøki

Tekniska nevnd í Sunda kommunu mælir býráðnum til at halda fast við verandi byggisamtykt í Saksun, um at økið oman ímóti Svartá skal vera sethúsaøki.

Umhvørvisstovan vil annars hava kommununa at broyta byggisamtyktina fyri økið, so talan bara verður um summarhúsøki.

Heðin Zachariassen, borgarstjóri, sigur, at tað ber ikki til at skilmarka millum sethús og summarhús.

Málið kemur fyri á býráðsfundi í kvøld.

Yvirfriðingarnevndin skal tó taka endaliga støðu til, um byggjast kann á økinum við Svartá.