Leiðslurnar skulu fáa frið at arbeiða

Politikarar og onnur skulu geva sjúkrahúsleiðslunum frið at arbeiða við ætlaðu navnabroytingini.

Tað sigur Kaj Leo Holm Johannsen, landsstýrismaður í heilsumálum, í sambandi við, at nógv kjak spurdist burtur úr ætlanini hjá Heilsumálaráðnum at geva sjúkrahúsunum nýggj nøvn.

Landsstýrismaðurin hevur ilt við at skilja øsingina, sum hevur tikið seg upp um hetta málið.

Sambært landsstýrismanninum eru 500.000 krónur settar av á fíggjarlógini til ætlaðu navnabroytingina á sjúkrahúsunum. 

Uppskot til nýggj nøvn til sjúkrahúsini skulu vera inni 12. juni. 

Virðislønin fyri bestu nøvnini er 10.000 krónur. 

Í treytunum stendur, at tað kann annaðhvørt vera sama navn til øll trý sjúkrahúsini við undirheitum, sum vísa til økini Klaksvík, Tórshavn og Tvøroyri, ella trý ymisk nøvn, sum hóska saman.