Løgtingskvinna spyr, um útlendsk starvsfólk búgva á Skálagarði

Løgtingskvinna spyr, um útlendsk starvsfólk búgva á Skálagarði
Elsebeth Mercedis Gunnleygsdóttur hevur sett landsstýriskvinnuni í almannamálum spurning um støðuna á Skálagarði í Klaksvík
Skálagarður læt upp fyri hálvum øðrum ári síðani. (Savnsmynd)
 
24.06.2024 - 10:49

Eru útlendsk starvsfólk komin at arbeiða á Skálagarði í Klaksvík, og nýta tey eisini íbúðirnar at búgva í?

Tað vil Elsebeth Mercedis Gunnleygsdóttur, løgtingskvinna fyri Fólkaflokkin, hava at vita.

Hon hevur sett Sirið Stenberg, landsstýriskvinnu í almannamálum, ein grein 52-fyrispurning um hetta.

Hon spyr, um hald er í teimum tíðindunum, sum frættast millum manna. 

Les spurningin her.

 

Elsebeth Mercedis Gunnleygsdóttur. 

 

Ósemja millum leiðslu og Almannaverkið

Ósemja hevur verið millum leiðsluna á Skálagarði og Almannaverkið.

Norðlýsið skrivaði 23. mai grein um málið við yvirskriftini "Leiðarin á Skálagarði frítstillað".

Mildrid á Lógv, leiðari á deplinum, segði við "Frihedsbrevet" herfyri, at hon veit ikki, hví hon er suspenderað ella burturvíst frá arbeiðsplássinum. 

 

Ósemja hevur verið millum leiðsluna á Skálagarði og Almannaverkið.

 

Eingin uppsagdur

12. juni segði trivnaðarstjórin í Almannaverkinum, Hjørdis S. Mortensen, við útvarpið, at Almannaverkið ongum hevur sagt úr starvi - hvørki starvsfólki ella leiðaranum.

Hon segði eisini, at seks fólk í løtuni fáa hjálp á Skálagarði, men pláss er fyri 15 fólkum. Henda støðan er ikki beinleiðis knýtt at ósemjuni millum leiðsluna og Almannaverkið. 

Skálagarður, sum er ein bú-, umlættingar- og endurmenningardepil til fólk við seinheilaskaða, læt upp fyri hálvum øðrum ári síðani.

Elsbeth Mercedis Gunnleygsdóttur sigur, at endamálið var, at fólk undir 67 ár við seinheilaskaða skuldu búgva á heiminum, og ikki tey, sum arbeiða har.

Løgtingskvinnan spyr eisini, nær væntast kann, at ósemjan millum leiðaran á Skálagarði og Almannaverkið verður loyst, soleiðis at búfólk og starvsfólk á stovninum fáa ein tryggan og virðiligan gerandisdag aftur.

Er kopiera
Nýggjastu sendingar í ÚV
Mánadag 22. juli
Søgan um Hank Williams (6:8)
176859
Mánadag 22. juli
Morgunlestur mánadagur 22. juli 2024
177839
Sunnudag 21. juli
Guðstænasta send úr Fjósinum á G
178281
Leygardag 20. juli
Morgunlestur leygardagur 20. juli 2024
177838
Nýggjastu sendingar í SV
Fríggjadag 19. juli
Veðrið
178247
Fríggjadag 19. juli
Óli Mittún og Eivør Pálsdóttir
178182
Týsdag 16. juli
Veðrið
178118
Mánadag 15. juli
Hin rusuti á Aconcagua (3:10)
177771
Leygardag 13. juli
Føroyar - Montenegro (2-1)
178016