10 mió. kr. røkka ikki hjá stóru fyritøkunum

Hjálparpakkin, sum landsstýrið kunngjørdi í dag, røkkur ikki til stóru fyritøkurnar.

Tað sigur Henny á Líknagøtu, forkvinna í Ferðavinnufelagnum.

Hjálpin úr landskassanum er 10 mílliónir til hvørt samtak, men ferðavinnan hevur tørv á ið hvussu er 35 milliónum, sigur Henny á Líknagøtu.

Hóast Framtak eisini kann veita váðafúsan kapital, so betri møguleikar verða hjá ferðavinnuni at læna pening í peningastovnunum, ivast forkvinnan í Ferðavinnufelagnum í, hvussu nógv fara at brúka henda møguleikan.

Ferðavinnufelagið fer at viðgera innihaldið í triðja hjálparpakkanum í dag.

Hoyr samrøðu, sum Ása H. Christiansen gjørdi við Henny á Líknagøtu í útvarpstíðindunum.